फर्केर हेर्दा २०७३

आजको दिन जसरी बित्यो । गतवर्ष पनि त्यस्तै व्यस्ततामा बितेको थियो । गएको वर्षलाई विदाइ गरेर नयाँ वर्षमा पाइला टेक्दा केहि नयाँ अनुभुतीहरू पलाएका छन् । समयको चक्रमा यो नयाँ वर्ष कति आउँछन् जान्छन् । यो सहित ३२ ओटा नयाँ वर्षको फन्को पूरा गरिसकिएछ । फर्केर हेर्दा जिन्दगीमा वाह  वाह गर्नैपर्ने खासै  उपलब्धिहरू त छैनन् । तर गएको वर्ष आर्थिक अभाव र विभिन्न दवावकका बिच भएपनि अहिलेसम्म जिवनकै उत्कृष्ट वर्ष भएको महशुस भएको छ ।
जिवनकै उत्कृष्ट वर्ष हुनलाई जिवनमामा धेरै नयाँ नयाँ काम भएका छन् । थोरै भएपनि नयाँ उपलब्धि हात परेका छन् । यसैलाई आधार मानेर ०७३ अहिलेसम्मको सबैभन्दा सन्तोषजनक वर्षका रुपमा लिएको छु । के के भए त यो वर्ष एकपटक सुरुदेखि फर्किएर हेर्न मन लग्यो । एकछिन सम्झिएर लेख्न मन लाग्यो ।
वर्षको सुरुआत भरौलमा तालिम चलिरहेको थियो । आफ्ना अनुभव बाढेर दिन बित्यो । पत्रकारिता, मानवअधिकार अभियान र आफुले जानेका कुरा सेयर गर्ने अवसर मिल्यो । त्यसका लागि अवसर जुटाउने सबैलाई धन्यवाद । बैशाखबाट पत्रकारिताकाे अाैपचारिक विद्यार्थी पनि भइयाे । यसले १५ वर्षकाे पत्रकारिता अनुभवलाइ अझ तिखार्न सहयाेग गर्ने रहेछ ।  बैसाख  त्यसरीनै वित्यो नियमित काम र काठमाण्डौमा भएको प्रेस चौतारीको अधिवेशनमा सहभागिता । जेठमा पनि त्यस्तै भयो नियमित काममै समय वित्यो । उल्लेख्य उपलब्धि भएनन् । जब असार लाग्यो अनि सुरु भयो । जिवनका केहि रमाइला र मीठा सम्झन लायक पलहरू । असार १ गते जिवन विज्ञान केन्द्र इटहरीमा ध्यानयोग प्रयोगशालामा सहभागी हुने अवसर मिल्यो । त्यसबारे जानकारी दिने मित्र अमर खडकालाई धन्यवाद । त्यो प्रयोगशालामा सहभागी भएपछि मलाई जिवन विज्ञान केन्द्र काठमाडौबाटै प्रशिक्षण लिने रहर जाग्यो, र लिएँपनि । बोध विज्ञान लय विज्ञान र प्रशिक्षक प्रशिक्षण तालिम सकिएपछि साउनमा कर्मथलोमा आइयो ।
इटहरीमा चलिरहेको ध्यानयोग प्रयोगशालामा सहभागी भइयो । जीवनलाई फरक कोणबाट बुझ्ने मौका पाइयो । जीवन विज्ञानले आफु यस धर्तीमा आउनुको उदेश्यबारे बोध भयो । जीवनलाई सुन्दर, शान्त, उमंग र उर्जामय बनाउन ध्यान आवश्यक रहेछ । हरेक दिन ध्यानलाई निरन्तरता दिदाँ मनमा शान्ति, खुसी र सन्तोष मिल्दो रहेछ भन्ने महशुस भयो । थप कुरा अरु कुनै पोष्टमा लेखौला । जीवन भनेको भौतिकमात्र नभएर आध्यात्मिक पाटो पनि महत्वपूर्ण छ । भौतिक र आध्यात्मिक दुबै पाटोलाई समन्वय गरेर अगाडी बढाउन सके सफलता, खुसी, उमंग  र उत्साह मिल्दो रहेछ । जब मैले बोध विज्ञान र लय विज्ञान लिएर आएँ म उर्जाशिल जीवन बाँचिरहेको महशुस छ ।
 गएको वर्ष जीवनमा पहिलो पटक एडभेन्चरको मज्जा लिइयो । दशैको अन्तिम दिन मानिसहरू दशै विदाईको टिकालगाइ रहदाँ म भने धरान माथिको आकाशमा चरा झै उडिरहेको थिएँ प्याराग्लाइडिङमा । प्याराग्लाइडिङको अनुभव लेख्नेछु कुनैदिन । यस्तै अग्रेजी वर्ष २०१६को अन्तिम दिन भने तमोर नदीमा पानीका छालसंग जिस्कदै रमाउँदै र्याफ्टिङ गरियो ।  पुसको चिसो कञ्चनजङ्गा हिमालको हिउँ पग्लेर आएको पानीको छालमा रमाउँदै झुत्ती खेल्दै धनकुटाको मुलघाटदेखि तमोर टुङ्ग्याएर सप्तकोशीमा लहदै चतारासम्म गरियो ¥याप्टिङ । यसकै छुटै आनन्द छ । यसको अलौकिक मज्जा बारे लेखेरै सकिदैन । फेरी र्याप्टीङ गर्नु नै यसको आनन्दको अर्को अनुभुती हो । यी दुई सहसिक खेल खेल्ने अवसर गएकै वर्ष जुर्यो त्यसकार पनि यो वर्ष आनन्दको वर्ष हो ।
गएको वर्ष शिक्षा मन्त्रालय, शिक्षा विभाग र नेपाल पत्रकार महासंघले संयुक्त रुपमा दिदै आएको शिक्षा पत्रकारिता पुरस्कारको फेलोसिप सहित नगद १५ हजार रुपैयाको पुरस्कार पनि प्रप्त भयो । यो नै अहिलेसम्मको ठूलो राशिको पुस्स्कार हो मेरो जीवनको । यस्तै नेपाल पत्रकार महासंघकाे  निर्वाचनमा प्रदेश पार्षदमा चुनाव जितियाे । चुनावमा भाग लिएकाे पहिलाे जीत हाे याे पनि । यस्तै पत्रकारितामा याेगदान गरेकाे भन्दै सुचना सञ्चार  साप्ताहिकले सम्मान पनि यसै वर्ष गर्याे ।
 यसलाई पनि एउटा उपब्धि मानेको छु ।
आर्थिक अभावका बिच यसै वर्ष डिजिटल एसएलआर क्यामरा र नयाँ मोटरसाइकल खरिद गरियो । धेरै वर्षदेखिको किन्ने रहर आवश्यकता पुरा गर्न पाएँ यसलाई पनि एक उपलब्धि नै मान्न पर्छ ।
जीवनकै सबैभन्दा ठूलो र महत्वपूर्ण काम पनि यसै वर्ष भयो जीवन साथी छान्ने । मित्र अमर खड्काले यसकालागि सहजीकरण गर्नुभयो अनि दीक्षा र म जीवन साथी भयौ माघ १६ गतेदेखि । जीवनमा गएको वर्ष धेरै उपलब्धि नभएपनि यी सबै उपलब्धिलाई मैले महत्वपूर्ण ठानेको छु । जस्लो मेरो आगामि दिनको गोरेटो बनाउँने काम गरेको छ ।
अझै महत्वपूर्ण त मैले मेरो जीवनको आगामी १० वर्षको ऐश्वर्य रेखाङ्कन गरेको छु । जस्लो मेरो जीवनालई सफलताको बाटोमा हिडाउने छ, खुसी आनन्द, उमंग, उत्साह र उर्जा प्रदान गर्ने छ । चैतमा मात्र यो रेखाङकन भएकाले अब यो कार्यान्वय सुरु भइसकेको छ ।
अझै अर्को महत्पूर्ण काम सुरु गरेका छौ विराट अनुपम र म मिलेर त्यो हो पूर्वको पर्यटन प्रर्वद्धनका लागि डिजिटल म्यागेजिन रामनवमीका दिन सुरु गरेर । यो वर्षको अन्तिम उपलब्धि यो । अब यसैलाई पछ्याएर जीवनका यावतकुरालाई व्यवस्थित गर्दै सफलताको बाटोमा लम्किने हो । समाजालर्य आफुले सकेजति सहयोग गर्ने हो ।
समग्रमा गत वर्षलाई फर्केर हेर्दा ०७३ साल निरासाको वर्ष रहेन् । आशाका किरणहरू देखापरिरहे । जीवनको गोरेटोमा यात्रा अगाडी बढेको छ । अब यसलाई पछ्याउँदै आगामि दिनहरू अझ उर्जामय बनाउँने प्रण सहित आजलाई यही बिट मार्दछु ।


यूवा सम्मेलन समापन पछि ....

नमुना कलेजमा अध्ययनरत सामाजिक कार्य स्नातक तहका विद्यार्थीले अायाेजना गरेकाे दुर्इदिने युवा सम्मेलन पछि अतिथि पूर्व मन्त्री तथा नेकपा एमालेका पाेलिटव्युराे सदस्य लालबाबु पण्डित  र सहभागीहरूसंगका तस्बिर































लु हेर्नुहाेस ¥याप्टिङकाे रमाइलाेका २५ तस्बिर

पुसको चिसो कञ्चनजङ्गा हिमालको हिउँ पग्लेर आएको पानीको छालमा रमाउँदै झुत्ती खेल्दै धनकुटाको मुलघाटदेखि तमोर टुङ्ग्याएर सप्तकोशीमा लहदै चतारासम्म गरियो ¥याप्टिङ ०७३ पुस १६ गते । 
 

























 
धन्यवाद