कुनै कालखण्डमा

कुनै एउटा कालखण्डमा
एकै होला हाम्रो धड्कन
र भावनाको तरंग पनि ।

हिजो समयको उतार चडावले
टुक्र्यायौ आफ्नै मुटु
चुडाल्यौ भावनाको डोरी
र थियौ पर पर  
नबुझी आफैलाई ।

Read more »

सग्लो आकृति

कोर्दैछु एउटा सग्लो आकृति
घोलेर मानिसका रंगहरु

हरेकका आखाँबाट टिप्नु छ यौटा रंग
हरेका अधरबाट खिच्नुछ यौटा चित्र
मुस्कान होला कतै कतै
बग्रल्ती पाइएला निरासा नी

चम्किलो भेटिएला केहि केहि
धमिला उस्तै आइलाग्लान्
जमात वेग्लै चतुरहरुको
फेला पर्लान सोझाहरु
हुदैछ यस्तै संयोजन
पृथक यो क्यानभाषमा ।

लट्टाइबाट छिनेका चंगाहरु
दुर्घटनाले बनेका भंगाहरु
विस्वासघात गर्ने नाङ्गाहरु
सबै सबै
दुखीतहरु, हर्सितहरु
सफलहरु, असफलहरु
योगीहरु, वियोगीहरु
सन्तहरु, साधकहरु
भद्रहरु, बैमानहरु
अटाउँछन या अटाउँदैनन्
हेर्दैछु म यो क्यानभाषमा ।

सडकको स्वरुप बोल्नुछ
महलको चेहरा देखिनुछ
कतै जलेका दिल
कतै उर्लिएका मन
एकै भएर आउँछ आउँदैन
म खोज्दैछु यो क्यानभाषमा ।

नानीका निश्चल आखाँ
आमाको निश्चल प्रेम
प्रेमीको निश्चल सर्मपण
झल्कन्छ, झल्कन्न सबै सबै
एउटै यो क्यानभाषमा
सग्लो आकृति भित्र ।
                                इटहरी, सुनसरी
                                  २०६९ माघ २६, 

Read more »

एउटी निर्दयीलाई

तीखा यादहरु
तम्सन्छन् घोच्न
जब हुन्छ
गोघुली साझँ विदा ।

पर्खाल भत्किएपछि विश्वासको
मुर्ती भासिएपछि आस्थाको
हरायो र्मिमिरे मुस्कान
आजकल हरेक विहान
बोकी आउँछ सन्नाटा ।

Read more »

कविता

हरिया पहाडका तरेली माथि माथि
निलो आकाशमा डौडिरहेका
सेता सेता वादका ढिक्कामा ठोक्किदै ठोक्किदै
आपसमा पखेटाको स्पर्श लिदै उडिरह्यौं उडिरह्यौं ।

Read more »

दुवै असफल

तिमीले मागेको जून
फूल भए टिपेर दिन्थे
तिमीले मागेको तारा
मुना भए चुडेर
दिन्थे माग्यौ
इन्द्रेणी हार भए लगाइ दिन्थे
बादल ओढ्छु भन्यौ
ओढाइ दिन्थे घुम्टो भए
अनि माग्यौ यस्तै यस्तै
नीलो आकाश

घामको टाटा......

तिमी असफल भयौ
पूरा भएन माग
तिम्रो माग पूरा गर्न नसक्ने
म किन सफल हुन्थे र
असफल भयौं दुवै
र त छौं एउटै अंगालोमा ।
रचना ः २०६७ भदौ ५

Read more »

कविता

हाम्रा सभासद
देशले खोजेको परिर्वतन ल्याउन उठेका हात
मुलुकको काचुली र्फेन जुटेका साथ
आज हाम्रा अगाडी आफैमा टोकेसो गरिरहेका छन्
हाम्रो भविष्यलेख्ने ती सभासद
मुलुकलाई चहिएको विकास
जनतालाइ चाहिएको विश्वास
यस्तो नीति बनाउन किन
आनाकानी गर्छन् हाम्रा सभासद ।
हामी आफैले गल्ती गर्यौ त्यसवेला
हामीले आफै दोषी भयौं यसवेला
हाम्रो रोजाई र छनाईले काम नगरे पछि
हामी पछुताउनुको विकल्प रहेन ।
संविधान लेख्न छाडेर मोज मस्तिमा छन
आज लाई बिर्सेर हिजो अस्तिमा छन
कार्यतालिका सरेको सरेकै छ
उनिहरुलाई के के हतारो छ र -
दैनिक भत्ता पचाउन पाएकै छन
न बन्दको प्रभाव छ
न हड्ताल छ उनीहरुलाई
त्यसैले उनीहरु ढुक्क छन
शोक छैन सुर्ता छैन
सहिदलाई त के सम्झन्थे
याहा रोग भोक र शोकले शहिद बन्न लागेकाको त वास्ता छैन
कति निष्ठुरी र कती लाछी हाम्रा सभाषद ।
राम्रा भाषण र आश्वासनले भोट किने
जनतालाई ढाटेर कुर्सी छिने
फेरी, उहि ढाँट कुरा गरे
संविधान लेख्न विर्से र लागे
उहि सत्ताको कुर्सी हत्याउन
आफ्नै दुनो सोझ्याउन
हेर कती स्वार्थी यी दहिचिउरे सभाषद
यता हाम्रो सविधान बन्ने आशा
राम्रो संविधान बन्ने आशा
तुहिन लाग्यो
खै कहिले बन्ने हो
कसरी बनाउने हुन
कस्तो बनाउने हुन
अझै थाहा छैन
अझै पत्तो छैन
आधा समय सकी सकियो
आधा समय बाँकी छ
हेरौं, आशा गरौ
भर त कसरी पर्नु र
यस्ता त छन हाम्रा सभाषद ।
३० बैशाख ०६६

Read more »

कविता

नयाँ बर्षले
चैते हुरी र चर्को घामको राप बोकेर
फेरी आयो नयाँ बर्ष
गुराँसको लाली अनि
पालुवाको हरियाली बोकेर ।
आँधि हुरी संग जुध्दै
चर्को घामको सामना गर्दै
गुराँस र पालुवाले
स्वागत गरे नयाँ बर्षलाई
अनि
शुभ कामना बाँढे
समस्या संग जुध्ने
र, अप्ठेरोहरु पार गर्ने ।
यो मौकामा कामना गर्नु छ
भोलीका पलहरुमा
यस बर्षका दिनहरुमा
विगतका विपत्तीहरु भोग्न नपरोस्
कोशीले बस्तिहरु नबगाओस्
कृष्णभिरहरु फेरी नबगुन्
कामना गर्नुछ
सिटामोल नपाएका कर्णलीबासीलाई
चामल नपाएका हुम्लाबासीलाई
नुन नपाएका जुम्लाबासीलाई
यो बर्षचामल र नुन सगैं
टाउको दुख्दा खाने सिटामोल पनि पुगोस्
अनि कामना गर्नुछ
बन्द, हड्ताल र चक्काजाम
कहिले पनि नहोस्
स्कुल, अस्पताल र सडकमा ।
अब कुनै नेपाली सडक उत्रन नपरोस
आफ्नो अधिकारका लागि
अब कोही सहिद बन्न नपरोस
हो, अहिले त संविधान बन्दैछ नी
यो संविधानका धारा र उपधारा
नुन नपाउने जुम्लाबासी देखी
कन्टेनरमा फोहर टिप्ने बालबालीका सम्म
केचनाबासी देखी
नाम्चे बजार बासी सम्म
सबैका भावना र चाहनामा केन्द्रित होस्
कामना गर्नुछ
यो बर्ष अर्थात नयाँ बर्षे
सुख शान्ति र संवृद्धि सगै
हक अधिकार ग्यारेन्टि गरोस्
सारा नेपालीको
माया, सदभाव र भातृत्व बाढ्दै
नेपाली नेपाली विचमा
भाईचारा र बन्धुत्वको नाता गाढा होस्
कामना गर्नुछ
नयाँ बर्षसगै
साच्चिकै नयाँ नेपाल निमार्ण होस् ।

मुक्तक
भिर भरी लाली गुँरास ढकमक्क फुलाएर
तर्राईका फाट भरी नव पल्लव चुमाएर
उमंगको लहर बोकी फेरी आयो नयाँ बर्ष
दिन महिना ऋतु सबै एक चक्कर घुमाएर ।
१. बैशाख २०६६

Read more »

कविता

याहाका मान्छे
शुन्य आकाशमा
फराकीला आशा बोकेर
जग्मगमइ रहेका ताराहरु
तिमी छेक्न सकदैनौं
तिम्रो र्सार्मथ्ले भ्याउदैन पनि
तर तिमी ,
चम्किलो जुन हेर्ने
आफ्ना दुइ आखा छोप्न सकछौ
आफु ओझेल पर्न सक्छौ
जुनेली उज्यालोबाटर्
अर्धचेतन मान्छेहरु जस्तै
हावा झोक्कामा
तिमी सहजैसंग
बहकीन सक्छौ र हराउन सक्छौ
आफ्नो अस्तित्वबाट ।
त्यतीवेला तिम्रो साथमा
हजारौं अर्धचेतन मन हुनेछन्
तिमी एक्लो हुने छैनौ
अरुको चेतनाले पुर्णता पाउदैन ।
तिमीले साथ लिइरहेका
तिम्रो प्रयोगमा आइरहेका
आफ्नो अस्तित्व बिर्सीरहेका
ति विचेत मनस्थिती बोकेर
तिम्रो साथ लागीरहेका
तिमी भन्दा अचेत मनहरुबाट
उनिहरुबाट तिमीले
सक्दो फाइदा लुटीरहेछौ
विचरा तिनीहरुलाइ के थाहा
अर्काको स्वार्थ पुर्तिकालागी
ज्यान अर्पेर डौडीरहेको ।।।
पुरानो डायरीबाट

Read more »

कविता

जन्मदिन
आज एउटा बाटोको खोजीमा
भोलीको गन्तव्यको खोजीमा
दिन विताएको छु
आखा उघारो राखेको छु
आजकै दिन खुलेका आखा
मैले नचाहेरै देखेको दिन
त्यो दिन मलाइ अनुभव भएन सायद
कति वेला खुले मेरा आखा ,
आज सपनाको खाडलमा डुबेर
बुर्कुसी मार्दैछन तिव्र आकाक्षंहरु
भंगिमा भै निर्लिप्त छन ।
दोहोरिएको इतिहास
मैले अध्ययन गरेको छैन
इतिहास नदोहोरिएको पनि मैले सुनेको छैन
प्रकृति र प्रवृतिले देश र परदेश
मिलेका र नमिलेका मैले नपढेको इतिहासमा
कोरिएको होला र लेखिएको होला
मैले नपढेका ती अपठित कथाहरुमा
यस्तै यस्तै मान्छे भित्रका कौतुहलता
विवसतामा रुमलिएका पाना
र , आजको दिनको विहान
उस्तै उस्तै लाग्छ
आजबाट सुरु भएको यो यात्रा
अनि म एउटा यात्री
आजको दिनको विहान
मिर्मिरेसंग आशा बोकेर
आयो र मलाइ जन्मायो
आज भन्दा दुइ दशक अगाडी मेरी आमाबाट
त्यसैले त म आजको दिन
मेरी आमालाइ पुजा गर्छु
यो मिर्मिरे र सन्ध्यालाइ
म श्रद्धा गर्छु
र उत्सवका रुपमा मनाउछु
शुभ- कामना लिन्छु
शुखद भविश्यको कल्पना गर्छु
र हासेर बिताइ दिन्छु
यो शुभ दिन , यो जन्म दिन ।
रचना - (२०६५.९.१४ )

Read more »