रेखा सम्मानित दर्शक खिन्न

विराट महोत्सव आयोजक समिति तथा इन्द्रपुर व्यापार संघले नायीका रेखा थापालाई आइतबार विराटचौकमा सम्मान गरेको छ । मोरङको सलकपुर घर भएकी थापालाई नेपाली कला जगतमा योगदान गरेको भन्दै महोत्सव आयोजक समितिले सम्मान गरेको हो । उनलाई सम्मानपत्र र दोसल्ला ओढाएर इन्द्रपुर व्यापार संघका अध्यक्ष गोपाल थापा र महोत्सव आयोजक समितिका संयोजक भोला दुलालले सम्मान गरे । कार्यक्रमा थापासँगै आमा सरस्वीत थापालाई पनि सम्मान गरिएको थियो ।
सुटिङको व्यस्ततालाई केहिबेरका लागि थाति राखेर आएकी थापा अति व्यस्त मुद्रामा देखिन्थिन । सम्मानित भएपछि हिरोइन थापाले भनिन, ‘मैले सम्मान त धेरै ठाउमा धेरै पटक पाएको छु तर आफनै आमासँगै आफ्नै घर गाउँमा सम्मान पाउदा औधी खुसि लागेको छ ।’ उनले थपिन ‘मैले केहि गर्न सकेको छैन । कलाको क्षेत्रमा अलि अलि मनोरञ्जन दिएको न हो । यो सम्मानले मलाइ राष्ट्रकालागि अझै बढी गर्नु पर्छ भन्ने महशुस गराएको छ ।’मध्यन्न १२ बजे कार्यक्रम स्थल आइपुगेकी थापा मञ्चमा मात्र १० मिनेट जति बसिन । मञ्चमा पुग्ने वितिकै सम्मानको दोसल्ला ओढेकी थापाले आफनै लगानीमा निर्माण भएको चलचित्र हिफाजतको ‘वीई वान्ट फीरडमं...........’ बोलको गीतको एउटा अन्तरा गुनगुनाउदै चितवनको नारायणगढमा सुटिङ् भएको जानकारी दिएर हतार–हतारमा मञ्चबाट बाहिरिइन ।

थापाको प्रस्तुती हेर्नकै लागी तातो घाम नभनी आएका दर्शक भने कार्यक्रमबाट खिन्न हुदै फर्किए । आयोजकले नायीका थापा कार्यक्रमको मुख्य आर्कषण भने पनि थापाको प्रस्तुति हेर्न नपाउदा दर्शकलाइ नरमाइलो लागेको हो । थापा सवा १२ बजे नै सम्माननित भएर फर्किसके पनि दर्शक भने साझ सम्म नायीका थापाको प्रस्तुति हेर्न आइहेका थिए तर थापा दिउसै फर्केको सुन्दा नरमाइलो भएको एकजना दर्शकले गुनासो गरे । नायीकाको प्रस्तुति हेर्न गाउ गाउबाट आएका दर्शकले अन्तत हास्य कलाकार नारद खतिवडा र लोक गायक तुलसी पराजुलिको प्रस्तुति हेरेर चित्त बुझाउनु पर्यो । फागुन १३ गते देखी विराटचौकमा जारी महोत्सवमा देनिक राष्टियकालकारले आफ्ना प्रस्तुति देखाउदै आएका छन ।