सुनसरी ६ चैत । सुनसरीको इटहरीमा सम्पन्न १० औ अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको उपाधि काकडभिट्टा टे«निङ सेन्टर झापाले जितेको छ ।
|
घरका छतमा समेत बसेर फुटबल हेर्दै |
|
फुटबल कुदाउँदै खेलाडी |
|
आफ्नो पक्षमा बल खोस्दै |
|
राखेपका सदस्य सचिव सहित खेल हेर्दै |
|
दर्शक |
|
गोल्डकपको रिपोर्टिङमा रहेका पत्रकार खेल हेर्दै |
|
विजेता खेलाडीलाई मेडल दिदै राखेप सदस्य सचिव केशव बिष्ट |
|
विजेता टीमलाई ट्रफी दिदै राखेप सदस्य सचिव केशव बिष्ट |
|
विजेताको खुसी |
जनता स्कुलको खेल मैदानमा शनिबार भएको फाइनल खेलमा फेन्स क्लब बिआरसी भुटानलाई ट्राइब्रेकरमा २ का बिरुद्ध तीन गोलले हराउँदै काकडभिट्टाले उपाधि सहित नगद एक लाख एघार हजार एक सय ११ रुपैयाँ जितेको हो । निर्धारित ९० मिनेट गोलरहित बराबरीमा टुङ्गीएपछि खेल ट्राइबे्रकरमा धकेलिएको थियो ।
टाइब्रेकरमा काकडभिट्टा ट्रेनिङ् सेन्टरका रवि थापा, दिलेन लोक्तान र खमीर दिलसान लिम्बुले प्रहार गरेको बल गोलमा परिणत भयो । सुविन मैनाली र बुद्ध चेम्जोङ्ले प्रहार गरेको बल बिआरसी भूटानका गोलरक्षक राजु नगरकोटीले रोके । बिआरसी भूटानका वर्तमान राई र विक्रम लिम्बुले प्रहार गरेको बल मात्र गोलमा परिणत भयो । भूटानका निराजन खड्का, दिनेश कार्की र धिरज तामाङ्ले प्रहार गरेको बल काकडभिट्टाका गोलरक्षक मनोज प्रधानले रोकेका थिए । आजको खेलमा काकडभिट्टाका गोलरक्षक मनोज प्रधान म्यान अफ दी म्याच भए उनले नगद ५ हजार रुपैया पाए । खेलको सर्वाधिक गोलकर्ता भुटानका धिरज तामाङ भए उनले १२ हजार बराबरको मोवाइल पुरस्कार पाए । इटहरी फुटवल क्लवका विपिन तामाङको उदयीमान खेलाडी घोषित भए । उनले २२ इन्चको एलइडी टिभी उपहार पाए । त्यस्तै काकडभिट्टामा बुद्ध चेमजोङले प्रतियोगितको उत्कृट खेलाडीको उपाधिसगैं २४ इन्चको एलइडी टिभी पुरस्कार पाए ।
राष्ट्रिय जागृति क्लवको आयोजनामा भएको प्रतियोगिताको उपविजेता भुटानले नगद ५५ हजार पाँच सय ५५ रुपैयाँमा चित्त बुझाएको छ । प्रतियोगिताका विजेता टिम र खेलाडीलाई राष्ट्रिय खेलकुद परिषदका सदस्य सचिव केशब कुमार विष्ट, एन्फा उपाध्यक्ष किशोर राई, इटहरी नगरपालिकाका कार्यकारी अधिकृत महेशराज तिम्सिनाले पुरस्कार, ट्रफी र प्रमाणनपत्र वितरण गरेका थिए ।
आठौं संस्करणसम्म स्वर्गीय दानवहादुर फूयँल स्मृति गोल्डकपका नाममा हुदै आएको फुटबल प्रतियोगितालाई गतवर्षदेखि इटहरी गोल्डकपका नाममा खोलाइन थालेको हो । फागुन २९ गतेदेखि गोल्डकपमा आठओटा टीमको सहभागिता थियो ।
0 comments:
Post a Comment