पुर्वि नेपालमा बजारहरुको विकाससगैं डिपार्टमेन्ट स्टोर प्रतिको आर्कषण पनि बढ्दो छ । पुर्वका विभिन्न ठुलाशहरहरुसगैं साना बजारहरुमा पनि डिपार्टमेन्ट स्टोर खुल्नेक्रम तिव्र छ ।
पुर्वका विभिन्न शहर र बजारमा गरि दुईदर्जन बढी डिपार्डमेन्ट स्टोर खुलिसकेका छन । अझै धेरै बजारमा यस्ता स्टोर खुल्ने क्रममा छन । सुनसरी र मोरङ जिल्लामा अरु जिल्लामा भन्दा धेरै नौ\नौ वटा डिपार्टमेन्ट स्टोर सञ्चलनमा छन । सुनसरीको इटहरीमा ४ वटा, धरानमा ३ वटा, तरहरामा २ वटा डिपार्टमेन्ट स्टोर छन । त्यस्तै मोरङ सदरमुकाम विराटनगरमा एउटापनि डिपार्टमेन्ट नभएपनि विराटचौक, बेलबारी, पथरी र उर्लाबारीमा दुइ\दुइ वटा र लेटाङमा एउटा डिपार्टमेन्ट स्टोर सञ्चालनमा छ । झापाको दमक र विर्तामोडमा दुइ\दुइवटा डिपार्टमेन्ट स्टोर छन भने इलाम र पाँचथरमा एक \एक वटा डिपार्टमेन्ट स्टोर छन ।
डिपार्टमेन्ट स्टोरमा धेरै सामानहरु एकै ठाउमा पाइने भएकाले सर्वसाधारणहरु किनमेलका लागि त्यस्ता स्टोरहरुमा जाने गरेको बताउँछन् । धेरै सामानहरु एकै ठाउमा पाइने, धेरै तिर घुम्नु नपर्ने र वार्गैनिङ पनि गर्नु नपर्ने भएकाले गर्दा उपभोक्तहरु सामान किन्न डिपार्टमेन्ट स्टोरमा जान्छन ।
डिपार्टमेन्ट स्टोरमा सामान किन्दा बार्गेनिङ गर्नु नपर्ने र उचित मुल्यमा पाइने भएकाले आफु डिपार्टमेन्ट स्टोरमा सामान किन्न आउने गरेको भु पु गोरखा डिपार्टमेन्ट स्टोर इटहरीमा सामान किन्दै गरेकी इटहरीकी दुर्गा के सीको भनाइ छ ।
इटहरी ८ की कविता श्रेष्ठ छानी छानी सामान किन्न पाइने भएकाले आफु सधै डिपार्टमेन्ट स्टोरबाट सामान किन्ने गरेको बताउँछिन । उनि भन्छिन् – डिपार्टमेन्ट स्टोरमा सामानहरु छानी छानी किन्न पाइन्छ र सामानहरु पनि गुणस्तरिय हुन्छ ।
बढ्दो शहरीकरणसगै पुर्वमा डिपार्टमेन्ट स्टोर खुल्नेक्रम बढेको भु पु गोरखा डिपार्टमेन्ट स्टोर इटहरीको सञ्चालक समितिका सदस्य मिनबहादुर गुरुङको अनुमान छ । गुरुङ डिपार्टमेन्ट स्टोरलाई विकासको एउटा पाटो मान्छन् । तर पुर्वमै सबैभन्दा ठुलो डिपार्टमेन्टले परिचित इटहरीको गोरखा डिपार्टमेन्ट स्टोरका सञ्चालक बलराम आर्चाय भने सबैलाई समान मुल्यमा सामाग्रंी उपलब्ध गराउन आफुले डिपार्टमेन्ट स्टोर खोलेको बताउँछन् । पुर्वमा सबैभन्दा पहिले खुलेको आफ्नो डिपार्टमेन्टमा नेपालको विभिन्न जिल्लमात्र नभएर भारतको विहार पश्चिम बङ्गाल, दार्जिलिङ, सिक्किम लागतका ठाउबाट उपभोक्ताहरु आउने गरेको आर्चायले जानकारी दिए ।
डिपार्टमेन्ट स्टोरका सामानमा विश्वसनियता, उचित मुल्य र सामानको उपलब्धताले गर्दा पनि उपभोक्ताहरु अरु पसल भन्दा डिपार्टमेन्ट स्टोर तर्फ आकर्षित भएको आचार्यको अनुभव छ । पुर्वाञ्चलको विभिन्न बजारमा रहेका यस्ता धेरै डिपार्टमेन्ट स्टोरले उपभोक्तालाई सुविधा पुर्याएका छन । शहरमा मात्र नभएर ग्रामिण बजारमा खुलेका यस्ता डिपार्टमेन्ट स्टोरले समान किन्न टाढा टाढा जानुपर्ने बाध्यताबाट ग्रमिण भेगका सर्वसाधारणलाइ मुक्त पार्न खोजेको छ । अर्कातर्फ यस्ता डिपार्टमेन्ट स्टोरले रोजगारी पनि सिर्जना गरेका छन । गोरखा डिपार्टमेन्ट स्टोरले मात्र एकसय ४८ जनालाई रोजगारी दिएको छ ।
यसरी डिपार्टमेन्टमा उपभोक्ता र लगानीकर्ताको बढ्दो आकर्षण जस्तै यी स्टोरहरुलाई व्यवस्थित बनाउँदै अनुगमन गर्नै सम्यन्त्र बनाउनु पनि आवश्यक रहेको छ ।
0 comments:
Post a Comment