यति धेरै माया गर्ने मान्छेहरु मसंग छन् ।
जानी—जानी दील हर्ने मान्छेहरु मसंग छन् ।
बिर्सिएर आफ्नै धड्कन्, मनमुटु साट्नेसम्म,
पिरतीमा ज्युँदै मर्ने, मान्छेहरु मसंग छन् ।
विश्वासमा लठ्ठपारी, संसारबाट छुटाएर,
एक्लै छाडी जंघार तर्ने, मान्छेहरु मसंग छन् ।
प्रेमील यो दुनियामा, हुदाँ रैछन् विश्वासघाती,
प्यारमा नै बिष भर्ने, मान्छेहरु मसंग छन् ।
युगौं—युग रहेकपल, एकसाथ हुन्छु भन्ने,
नाटकगरि अन्तै सर्ने मान्छेहरु मसंग छन् ।
1 comments:
dherai ramro cha.. yatri jeeee keep it up....
Post a Comment